Mae WID®-easy yn brawf cyflym, cywir, a phrydlon i ganfod canser y groth yn gynnar mewn menywod sydd â gwaedu anghyffredin o’r groth. Cymerir sampl gyda swab o geg y groth a’r groth, ac fe’i anfonir i’r labordy i ddadansoddi’r DNA. Wedyn, bydd y canlyniad yn cael ei anfon yn ôl i’r clinig. Mae lefel uchel i gywirdeb y prawf WID-easy yn helpu i gael darlun cliriach o’r risg o ganser ac i benderfynu os oes angen ymchwiliadau pellach fel hysterosgopi.
Sut mae’r prawf WID-easy yn cael ei wneud?
Bydd eich clinigydd yn cymryd sampl o’r wain a thu ôl i geg y groth, yn debyg i brawf ceg y groth. Bydd eich sampl yn cael ei hanfon i’r labordy i’w ddadansoddi.
Cam 1
Cymerir y sampl gyda swab yn ystod archwiliad y wain.
Cam 2
Caiff y sampl ei ddadansoddi yn y labordy gan ddefnyddio PCR (fel prawf Covid).
Cam 3
Anfonir y canlyniad i’ch clinig mewn ychydig ddyddiau.
Sut mae’n gweithio?
Mae WID-easy yn mesur newidiadau cemegol yn eich DNA o’ch groth a’ch wain sy’n dangos a oes celloedd canser yno neu beidio.
Pam y cynigiwyd y prawf WID-easy i mi?
Mae menywod gyda gwaedu anghyffredin o’r groth mewn mwy o berygl o ganser y groth. Mae’r prawf WID-easy yn helpu meddygon i eithrio canser y groth yn gywir neu i gadarnhau bod mwy o bosibilrwydd o ganser.
Beth mae canlyniad WID-easy positif neu negyddol yn ei olygu?
Os yw’ch prawf WID-easy yn negyddol, mae’r siawns o gael canser yn llai na 0.4%. Os yw’n bositif, mae mwy o bosibilrwydd o ganser, felly bydd eich meddyg yn cynghori ar gamau er mwyn ymchwilio’n bellach.